Politologiya üzrə bakalavr və Beynəlxalq Münasibətlərin Tarixi və Nəzəriyyəsi üzrə magistr təhsilinə malik mütəxəssisəm. Dövlət idarəçiliyi, beynəlxalq münasibətlər, siyasi tədqiqatlar, qanunvericilik fəaliyyəti, pedaqogika və layihələrin idarə edilməsi sahələrində təcrübəyə malikəm.
Hazırda Azərbaycan Respublikası Səhiyyə Nazirliyinin Rəqəmsal Səhiyyə Mərkəzində sənədlərlə iş üzrə mütəxəssis, eyni zamanda Azərbaycan Respublikası Milli Məclisində ictimai əsaslarla deputat köməkçisi və Masallı rayonu Viləş kənd bələdiyyəsinin seçkili üzvü kimi fəaliyyət göstərirəm. Əvvəlki fəaliyyətim çərçivəsində Beynəlxalq Münasibətlərin Təhlili Mərkəzində siyasi tədqiqatlar, Milli Məclisin Ailə, qadın və uşaq problemləri komitəsində parlament fəaliyyəti, Avrasiya Əməkdaşlıq Fondunda isə layihələrin idarə edilməsi istiqamətində təcrübə qazanmışam.
Azərbaycan Dillər Universitetinin Beynəlxalq Münasibətlər və Regionşünaslıq fakültəsində müəllim əvəzedicisi və tədrisçi kimi çalışmış, tədris prosesinin təşkili və metodologiyası sahəsində təcrübə əldə etmişəm. Beynəlxalq münasibətlər, politologiya, dövlət idarəçiliyi və siyasi proseslər üzrə biliklərimi analitik fəaliyyət və tədrislə əlaqələndirməyə xüsusi önəm verirəm.
Beynəlxalq təcrübəmi Gənclərin İnkişafı Forumu – 2025 (İstanbul), Avrasiya Əməkdaşlıq Fondunun “Münaqişə Məktəbi – 2022” proqramı və ABŞ-ın Kornell Universitetinin onlayn “Take the Lead” təlim-təqaüd proqramı vasitəsilə genişləndirmişəm. Google Project Management, Microsoft Public Relations və UC Irvine Risk Management kursları üzrə əldə etdiyim biliklər layihə idarəetməsi, kommunikasiya və risklərin qiymətləndirilməsi sahələrində peşəkar inkişafıma töhfə verib.
Peşəkar bacarıqlarıma analitik və tənqidi düşüncə, siyasi proseslərin təhlili, sənədlərlə iş, layihələrin planlaşdırılması və idarə edilməsi, tədris metodologiyası, komandada işləmək və təşkilati fəaliyyət daxildir. Google Workspace və Microsoft Office proqramlarından istifadə edir, müxtəlif istiqamətlər üzrə məlumatların sistemləşdirilməsi və sənədləşdirilməsi sahəsində çalışıram.
Azərbaycan dili ana dilimdir. İngilis, rus və türk dillərini bilirəm. Müxtəlif sahələrdə qazandığım təcrübəni birləşdirərək dövlət idarəçiliyi, beynəlxalq əməkdaşlıq, təhsil, tədqiqat və layihələrin həyata keçirilməsi istiqamətlərində bilik və bacarıqlarımı tətbiq etməyə, yeni təşəbbüslərə töhfə verməyə və davamlı peşəkar inkişafa çalışıram.
Magistr dərəcəsi - Beynəlxalq Münasibətlər Tarixi və Nəzəriyyəsi, 2023 – 2025 · Bakı
Azərbaycan Dillər Universiteti, Beynəlxalq Münasibətlər və Regionşünaslıq fakültəsi
Bakalavr - Politologiya, 2019 – 2023 · Bakı
Bakı Dövlət Universiteti, Beynəlxalq Münasibətlər və İqtisadiyyat fakültəsi.
"Take the Lead"-; təlim-təqaüd proqramı 2024 · Cornell Universiteti, ABŞ (online)
Sənədlərlə iş üzrə mütəxəssis may 2026 – hazırda · Bakı
Azərbaycan Respublikasının Səhiyyə Nazirliyi, Rəqəmsal Səhiyyə Mərkəzi (PHŞ)
Siyasi tədqiqatçı / Politoloq (təcrübəçi) sen 2025 – dek 2025 · Bakı
Beynəlxalq Münasibətlərin Təhlili Mərkəzi
İctimai əsaslarla deputat köməkçisi noy 2024 – hazırda · Bakı
Azərbaycan Respublikasının Milli Məclisi
Bələdiyyə üzvü yan 2025 – hazırda · Masallı
Masallı Rayonu, Viləş kənd bələdiyyəsi · Seçkili üzv
Layihə meneceri sen 2022 – mar 2023 · Bakı
Avrasiya Əməkdaşlıq Fondu
Təcrübəçi fev 2023 – may 2023 · Bakı
Milli Məclis, Ailə, qadın və uşaq problemləri komitəsi